КОМЕНТАР

Суперлигата веќе не е желба, туку реалност

Фотографиите се сопственост на basketball.mk и не смеe да се користат без дозвола на медиумот (архива, фото: Александар Ристовски).

Екипата на Академија ФМП во првата сезона меѓу прволигашите, покажува зрелост и стабилност на играчки и на организациски план. Тимот од скопската населба Кисела Вода има 10 победи и 8 порази и моментално се наоѓа на втората позиција на табелата.

Овој резултат, реално, не може да биде загрозен дури и кога сите екипи ќе ги одиграат сите натпревари. Во моментов, лигата ни е карам-каша, поради проблемите со короната и со настапите на МЗТ Скопје Аеродром и Работнички во регионалната АБА 2 лига.

Ако некој помисли дека Вардар не е противник со кој може да се мери реалниот квалитет, затоа што тоа е екипа што во минатото работеше со млади таленти, а сега (како и тогаш) има единствена цел – опстанок во елитата (и игра со релативно слаби странци), тогаш треба да се погледне распоредот на „академците“.

Фотографиите се сопственост на basketball.mk и не смее да се користат без дозвола на медиумот (архива, фото: Александар Ристовски).

Совладани се во серија Кожув на гости, МЗТ со пресврт од -17 и последен Вардар. Претходно, паднаа најтрофејниот Работчки, залетаниот ТФТ, Куманово и Гостивар, уште четири екипи што претендираат за Топ 6 позициите во првата македонска кошаркарска лига.

Во животот нема ништо случајно и сѐ се случува со причина. Играчите на Александар Петровиќ имаат одлична можност, во премиерната своја елитна сезона, да ги урнат табуата (што некој кај нас сака да ги одржува вечно) и да докажат дека – ИГРА СРЦЕТО, А НЕ ИМИЊАТА!

  

Првиот македонски кошаркарски медиум ви ги пренесува последните новости и достигнувања од кошарката.

Авторски, преземено со дозвола, непристрасно, објективно, проверено и навремено - е нашето мото.

Секое и минимално копирање или преземање на наша содржина, подлежи на законските регулативи и прописи.

Copyright © 2021 basketball.mk - Ние постоиме за вас!

To Top