МАКЕДОНИЈА

Сезонава ќе биде понапорна од претходната, очекуваме добра кошарка за публиката

Фотографиите се сопственост на basketball.mk и не смеe да се користат без дозвола на медиумот (фото: Александар Ристовски).

Во 1-то коло од новата сезона во македонското првенство, Академија ФМП гостува кај дебитантот КК Феникс 2010.

„Очекувам добар натпревар и добар почеток на сезоната, после два месеци припреми со нетрпение го очекуваме почетокот на сезоната. Имаме една година повеќе искуство во лигата и новите играчи одлично се вклопија во новата средина. Задоволен сум од досегашната работа на играчите и од прикажаното во подготвителниот период. Очекувам добра сезона која треба да биде понапорна од претходната, бидејки настапуваме на два фронта Посакувам успешно да ја отвориме сезоната во сабота.“ – изјави тренерот Александар Петровиќ.

Славчо Темелковски настапува 2-ра сезона за ФМП и вели дека ќе се гледа возбудлив и интересен натпревар за публиката.

„Играме против екипа која за првпат настапува во првата лига и сигурни сме дека ќе влезат многу мотивирани и со енергија. Станува збор за екипа која игра модерна и брза кошарка со организирана транзиција во напад и борба за секоја топка. Сепак на наша страна е квалитетот и искуството на екипата надополнета со нашата препознатлива енергија и цврста одбрана. Треба да обрнеме внимание на скок играта и дефанзивната транзиција и сметам дека победата е неизбежна. Едно можам да гарантирам, а тоа е дека не очекува возбудлив и интересен натпревар за публиката и дека ќе уживаат во добра кошарка.“

Дуелот меѓу Феникс и Академија ФМП се игра од 14:00 часот.

  

Првиот македонски кошаркарски медиум ви ги пренесува последните новости и достигнувања од кошарката.

Авторски, преземено со дозвола, непристрасно, објективно, проверено и навремено - е нашето мото.

Секое и минимално копирање или преземање на наша содржина, подлежи на законските регулативи и прописи.

Copyright © 2021 basketball.mk - Ние постоиме за вас!

To Top