МАКЕДОНИЈА

Рутината вреди злато, МЗТ на крилјата на искуството води во финалето

Фотографијата е сопственост на КК МЗТ Скопје Аеродром и не смее да се користи без дозвола на клубот.

Актуелниот шампион славеше во првата пресметка со предизвикувачот за тронот, од Кавадарци. Мечот беше класичен пример за соочување на екипи што поминале сезона во посилно и во послабо натпреварување. АБА 2 лигата и средбите одиграни таму, како и долгите години во АБА елитата за одредени играчи, го направија своето, идентично како и во изминатите години додека аеродромци царуваа(т) во нашата кошарка.

Далеку од тоа дека Еуро Никел нема искусни кошаркари, но интензитетот присутен кај металците преку целата сезона, пресуди. Конечните 83:81 покажуваат колку беше тесен натпреварот, во кој гостите имаа 17:25 по првиот и 15:25 во последниот период, односно тројка за 82:81 на 17 секунди до истекот на времето за игра. Домашните ја создадоа предноста што успеаја да ја одбранат, во втората со 24:12 и во третата четвртина со 27:19.

Фотографијата е сопственост на КК МЗТ Скопје Аеродром и не смее да се користи без дозвола на клубот.

Олуџоби имаше 24 поени, Стојановски 15, 12 имаше Гравет, по 10 поени за победникот постигнаа Крстевски и Мекиќ. Кај поразените, Соколов имаше 16 поени, Дубински еден поен помалку, Рикиќ имаше дабл-дабл со по 14 поени и скокови. Тимски гледано, МЗТ беше подобар во повеќе офанзивни и поентерски категории, имаше помалку скокови (32/38), но и помалку загубени топки (7/17), односно повеќе украдени (11/4).

Конечната оценка на првиот финален меч е преодна, кон одлична. Имаше драма, имаше пресврти, имаше од се по нешто, како што заслужува едно финале. Честитките ги заслужија двете екипи, сегашниот и некогашниот шампион, кои покажаа дека во моментов заслужено се наоѓаат во двобојот за титулата. Штрковите водат со 1:0, во серијата до три победи. Следниот дуел се игра на теренот на Еуро Никел (04.06.2021).

  

Првиот македонски кошаркарски медиум ви ги пренесува последните новости и достигнувања од кошарката.

Авторски, преземено со дозвола, непристрасно, објективно, проверено и навремено - е нашето мото.

Секое и минимално копирање или преземање на наша содржина, подлежи на законските регулативи и прописи.

Copyright © 2021 basketball.mk - Ние постоиме за вас!

To Top