МАКЕДОНИЈА

Македонија замина за Русија, влогот е пласман на ЕП

фото: FIBA

Македонската селекција се комплетира и отпатува за рускиот град Перм, каде ќе игра против селекциите на Италија, Русија, вторпат со Италија и против Естонија, во рамките на квалификациите за Еуробаскет 2022.

На турнирот кој се игра во балон-систем поради ковид проблемите што го зафатија светот, слетуваме со два пораза во два меча. Две селекции од нашата група ќе обезбедат пласман на континенталниот собир.

Во Скопје загубивме од Естонците со 71:82, во Русија бевме совладани од домаќинот со 77:67. Имаме два бода, на последната позиција во групата „Б“, сите мечеви се компетитивни.

Италија е пласирана на ЕП, како еден од домаќините на завршницата. Од нашето друштво, на Аѕурите ќе им се приклучат двете најдобро пласирани селекции.

Македонија првпат заигра на ЕП во 1999-та година во Франција, од 2009-та до 1015-та бевме редовни, но го прескокнавме последниот континентален собир поради ужасните квалификации одиграни во Кавадарци.

  

Првиот македонски кошаркарски медиум ви ги пренесува последните новости и достигнувања од кошарката.

Авторски, преземено со дозвола, непристрасно, објективно, проверено и навремено - е нашето мото.

Секое и минимално копирање или преземање на наша содржина, подлежи на законските регулативи и прописи.

Copyright © 2021 basketball.mk - Ние постоиме за вас!

To Top