Најголем победник во моментов е 3х3 баскетот, затоа што се врати по долг период на хибернација и имаше што да ни покаже, на Мастерсот во Доха. Се случи историја! Поделената екипа на Нови Сад, против новата екипа на УБ. Булут и Ивошев против Мајсторовиќ и Савиќ, кои беа довчерашни соиграчи кои имаат освоено многу заеднички титули.
Пред се, треба да и се честита на екипата на Амстердам, на која по многу години, ова и е прв освоен Мастерс. Видовме дека секој секого може да победи, а сега треба да знаат сите дека веќе нема потценување за никого. Моментално, на 3х3 сцената има ногу добри екипи, искусни и гладни за нови остварувања.
foto: fiba.basketball
Имаше многу сменети состави, за разлика од годините наназад. Екипата на Амстердам се појави во сосема нов состав, па се покажа дека смената добро им влијае и дека треба добро да се обрне внимание кога ќе се игра против нив. Максим Ковачевиќ (до лани играчот на Лиман) им е од преголема помош и со своето искуство има голем придонес за одличниот резултат.
Нови Сад си е Нови Сад и покрај тоа што е нова екипа, со многу ротации во составот. Овој тим повторно покажа дека никогаш нема да се откаже од насловот, без разлика каде и против кого ќе игра! Сепак, кога играш против Душан Булут, тогаш ти останува само да се бориш максимално до крај и ако можеш некако да изненадиш, ОК, а ако не, пак е ОК…
foto: fiba.basketball
За голема пофалба е екипата на Лиман, која ми остави голем впечаток. Тоа е борбена екипа која игра смирено и на сигурен кош. Екипата која и со 3 играчи покажа дека е заслужено број 1 во СВЕТОТ (за жал се повреди Стефан Којиќ, на првиот натпревар од групната фаза).
Пофалба имам до Небојша Килијан, кој е добро познато име во 3х3 светот и нов играч на Лиман. Се покажа како големо освежување, а и добар организатор на играта (Килијан има македонско потекло и во процес е на добивање на македонски документ).
УБ беше прв фаворит на овој Мастерс (познатите имиња Мајсторовиќ и Савиќ, дојдени од 3×3 Нови Сад), иако е нова екипа, неуиграна. На овие играчи, ова им беше прв Мастерс заедно. Сепак, тоа е тим со многу, многу квалитет во своите редови. Очекувам веќе на секој следен Мастерс да бидат најмалку финалисти, без проблем!
foto: fiba.basketball
Рига … ме изненади со слабата игра во Доха. Не покажа ништо специјално и затоа заврши предвреме. Ова е искусна екипа, која овој Мастерс брзо мора да го заборави и од следниот да се врати на победничките патеки.
Откритие на турнирот беше играчот на Нови Сад, Страхиња Милошевиќ. Ова е прв негов Мастерс, а играше како да има играно 3×3 на најмалку 100 турнири и 10 години наназад. Неверојатен играч, поранешен член на Партизан кој играше на Фајнал 4 турнирот на Евролига во Париз. Секако, очекувам да се вклопи уште подобро на следниот турнир.
Дотогаш, следете не со најновите 3х3 информации…
Препорачани текстови:
e here 