ПОЧЕТНА Други репрезентации Србија го доби првиот црномурест репрезентативец!

Србија го доби првиот црномурест репрезентативец!

сподели
фото: b92.net

Познато е дека Србите се многу горди кога станува збор за кошарката и кошаркарската репрезентација на оваа земја е единствена на просторите на поранешна СФРЈ, а една од ретките во Европа која во своите редови нема натурализиран кошаркар.

Но, интересно беше на натпреварите против Австрија и Грузија кога во дресот на српскиот национален тим заигра првиот црномурест кошаркар. Стефан Пено е еден од најголемите таленти во Европа, има само 20 години, а веќе може да се пофали со четиригодишен престој во Барселона и во моментов е играч на Алба.

фото: novosti.rs

Да не дојде до забуна, Пено е Србин, роден е во Белград од татко Србин и мајка Гвајанка поради што има двојно државјанство. Но, интересен е токму поради тоа што е прв црномурест кошаркар во сениорската српска репрезентација.

„Одлично се чувствувам. Малку ми беше нереален собирот со А-репрезентацијата, но постарите играчи ми помогнаа да се вклопиме брзо и чувството по ова е феноменално. Со нетрпение го очекувам следниот собир“, изјави плејмејкерот по натпреварот против Грузија на кој постигна 17 поени и девет асистенции.

FIBA
Аплицирајте веднаш за

Иако досега не играл во сенироската репрезентација, Пено беше член на младинските селекции на Србија. Со тимот до 16 години освои бронза на ЕП 2012 и сребро на ЕП 2013 година, до 18 години беше европски вицешампион во 2014 година, а до 17, третопласиран на Мундијалот истата година.

Има и едно индивидуално признание од Европското првенство во 2013 година кога беше прогласен за најкорисен играч (МВП).