ПОЧЕТНА МАКЕДОНИЈА Работно и успешно лето за македонските судии и делегати

Работно и успешно лето за македонските судии и делегати

сподели
Петар Денковски

Континенталните шампионати во младински категории се ближат кон крај, останува уште Европското кадетско првенство А-дивизија во Скопје кое стигна до своето полуфинале.

Македонските младински селекции имаа променлив успех, кадетите опстанаа во А-дивизијата, јуниорите го освоија четвртото место во Б-дивизијата и за малку не се пласираа во европската кошаркарска елита, а младинците се пласираа на средината во конечниот пласман во Б-дивизијата. Паралелно со нив и нашите судии и делегати учествуваа на првенствата и имаа забележителна улога.

Александар Милојевиќ (во позадина) на еден од натпреварите на ЕП во Орадеа

Петар Денковски, кој летово стави крај на својата судиска кариера, го водеше натпреварот за третото место на Европското младинско првенство за мажи во Израел меѓу Франција и Германија, а потоа и дуелот за бронза и финалето на Европското првенство У-18 Ц-дивизија во женска конкуренција.

Финале судеше и Александар Милојевиќ, на јуниорското првенство во Орадеа како прв судија, претходно и меч за третото место на младинскиот шампионат во Матосињос.

Ѓорѓи Пиперков на Младинскиот олимписки фестивал во Баку

Најмладиот од нив Иван Мијалковски судеше натпревар за третото место на Европското првенство У-16 и полуфинални дуели на У-18 и У-20, сите во женска конкуренција и Б-дивизија. Зоран Митровски суди на Европското кадетско првенство А-дивизија во женска конкуренција што овие денови се одржува во Скопје и се очекува да биде делегиран на еден од главните натпревари во завршницата.

На Европското кадетско првенство во Удине учествуваа и Игор Митровски и Александар Павлов, а Зоран Митровски и Алија Феревски водеа натпревари на јуниорското првенство во женска конкуренција во Скопје.

Активни беа и делегатите. Владо Цветковски беше делегат на финалниот меч од Европското У-18 првенство во женска конкуренција во Скопје, а Ѓорги Пиперков учествуваше на финалето на ЕП У-16 Б-дивизија во машка конкуренција во Подгорица како ФИБА инструктор и во финалниот меч од Европскиот младински олимписки фестивал во Баку.