ПОЧЕТНА Други репрезентации На Илинден со Естонците!!!

На Илинден со Естонците!!!

сподели
fiba.basketball

Македонија го одработе своето во групната фаза на континенталниот собир за играчи до 18 години во рамките на Б дивизијата, што се одржува во романскиот град Орадеа. По 5 кола забележавме 5 победи и се пласиравме во елиминациите со 100% учинок, единствена друга селекција со ваков ефект е Израел.

FIBA

Судбината сакаше да играме 1/4 финале на најголемиот македонски празник, светиот ден Илинден, кога за првпат 1903 година ја почнавме најсериозната битка за нашата независност. Таа битка се уште трае, можеби на поинакви полиња и со поинакво оружје, но сепак трае и како што може да се види од реалноста, ќе трае.

fiba.basketball

Но, тоа не е ваша борба, во моментов. Вие сте таму да не претставувате во најдоброто светло што го имате и најдостоинствено што можете. Вие вашето го одигравте во првата фаза, одморете се добро и продолжете по истата патека. Излезете на терен и полетно разлејте го својот потенцијал по паркетот, нека му ја мисли противникот.

FIBA

Нека не ве водат никакви императиви, нека не ви тежи ништо на плеќите! Што и да се случи вие сте нашите деца, дел од нашиот подмладок и дел од нашата иднина. Од дното на душата сакаме да победите, сакаме да ве видиме во А дивизијата, заради вас и нас, заради многу причини. Но, ве оставаме да одиграте слободно, така како што само вие знаете, па другото само нека си дојде на своето место, така како што е запишано.

fiba.basketball

Не заборавајте дека секој ја предизвикува својата судбина и дека среќата секогаш ги прати храбрите. Вие веќе не направивте горди на вас, веќе срцата ни чукаат со вас, веќе веруваме и знаеме дека ве чекаат светли кошаркарски кариери. Само храбро и смирено, дисциплинирано и борбено, за секоја топка, до последната капка енергија.

НАПРЕД МАКЕДОНИЈА!!!