ПОЧЕТНА Некатегоризирана Европското првенство повторно во четири држави

Европското првенство повторно во четири држави

сподели
FIBA

По принципот на претходните два ќе се одржи претстојниот континентален кошаркарски собир.

Во 2015 и 2017 година се играше во четири држави, исто така ќе биде и за две години кога Европското првенство ќе го организираат Германија, Италија, Грузија и Чешка.

Вкупно седум држави се кандидираа, но Естонија, Унгарија и Словенија не поминаа. Чешка (Прага), Грузија (Тбилиси) и Италија (Милано) ќе бидат домаќини само на натпреварите од групната фаза, а завршницата ќе се игра во Германија.

Оваа земја ќе организира една од групата и тоа во „ракометната“ Ланксес арена во Келн, а репрезентациите во нокаут фазата ќе се префрлат во Берлин.

Германија беше ко-домаќин и во 2015 година и тоа е единствена држава во овие „покери“ која се појавува два пати како организатор. Претстојното Европско првенство ќе се игра од 17-ти до 29-ти август 2021 година, бранител на титулата е Словенија.

Македонија има можност првпат по 2015 да се пласира на контиенталните шампионати. Нашата репрезентација обезбеди пласман во главните квалификации, а наскоро ќе ги добие и противниците.