ПОЧЕТНА Други репрезентации Ако можеше да има утеха, ни ја донесе Јакимовски!

Ако можеше да има утеха, ни ја донесе Јакимовски!

сподели
И Андреј Јакимовски беше дел од идеалната петорка, на последното М-18 ЕП Б-дивизија (фото: FIBA)

Тешко дека ќе успееме брзо да го заборавиме Б-Европското првенство во Романија на кое јуниорската репрезентација на Македонија не успеа да дојде до медал.

Тагата е голема, веројатно ќе биде уште поголема во следниот период, но барем видовме дека имаме кошаркарска иднина и со нетрпение ги очекуваме овие момчиња и во М20 и во сениорската репрезентација.

Првенството во Романија на површина го извади Андреј Јакимовски кој многу брзо би требало да добие шанса во сениорска конкуренција со оглед на тоа што веќе е полнолетен и зрел да заигра со повозрасните колеги.

FIBA

Доказот за тоа стигна на церемонијата на доделување на наградите. Јакимовски е дел од идеалната петорка на првенството што не е големо изненадување ако се знае дека заврши како најдобар стрелец, имаше највисок просечен индекс и беше трет скокач.

За најкорисен играч на шампионатот е прогласен израелскиот репрезентативец Ноам Шимон Доврат, а во најдобрата петорка покрај нив двајца се уште Матеуш Казовски од Полска, Давид Бом од Чешка и Пеле Ларсон од Шведска.