ПОЧЕТНА НБА СУДОТ ПРЕСУДИ: Вориорс ќе платат 40 милиони долари отштета!!!

СУДОТ ПРЕСУДИ: Вориорс ќе платат 40 милиони долари отштета!!!

сподели

Екипата на Голден стејт игра одлично на почетокот на сезоната, поставува нови граници во кошарката на индивидуално и тимско ниво, но загуби една правна битка во судницата.

Владината агенција на САД, која што менаџира со Оукленд арената инвестирала 150 милиони долари за реновирање во 1996-та година.

НБА франшизата се согласила дека ќе помага финансиски со годишни рати, а сега, откако е решено Вориорс да се селат во Сан Франциско, ќе треба да исплатат уште 40 милиони долари.

Раководството на Голден стејт Вориорс вели дека не се согласува со оваа одлука и дека нивната обврска престанува со прекинувањето на договорот со арената.

Но, судијката Ребека Вестерфилд наредила да се плаќаат ратите се до 2027-та, кога завршува проекцијата што претходно била направена.

Вориорс плаќаат по 7.5 милиони долари, секоја година, а според најавите од раководството, и покрај негодувањето тие ќе го исплатат секој долар што и го должат на државата.