ПОЧЕТНА Евролига Олдскул пресметката за Панатинаикос, ЦСКА финишира шампионски

Олдскул пресметката за Панатинаикос, ЦСКА финишира шампионски

сподели
euroleague.net

Во дуелот на Евролига титаните, ПАО славеше дома против Барселона со 76:70. Грците водеа од почетокот до крајот, но дуелот беше неизвесен до последните секунди. Двете екипи имаат по 5 победи и по три порази.

ДеШон Томас го предводеше победникот со 14 поени, Ник Калатес имаше 12 асистенции. Кајл Куриќ имаше 17 поени за поразената екипа.

euroleague.net

ЦСКА надополни 9 негатива во последните 3 минути, постигнувајќи 15 поени, а потоа славеше во продолжението со 99:97, против Жалгирис. Екипата од Москва има 16 домашни победи во низа, со рекордни (во Евролига) 17 победи во продолженијата.

Кај руската екипа се истакна Серхио Родригез со 24 поени и 6 асистенции, Кори Хигинс имаше 23, а Вил Клајбурн (кој што ги погоди победничките слободни) имаше 15 поени со 13 скока.

euroleague.net

Армани триумфира против Басконија со 93:90, Владимир Мицов имаше 22 поена за победникот. Мајк Џејмс додаде 20 поени со 8 асистенции, а на спротивната страна Поире (10 скока) и Џенинг имаа по 18 поени.

Химки очекувано славеше против Будуќност со 85:69. Тоа беше втора победа сезонава за руската екипа, а црногорската го регистрира семдиот пораз. Алексеј Швед имаше 22 поена за победникот, Ерл Кларк имаше 19 кај поразените.

euroleague.net

На табелата, водат Реал Мадрид и ЦСКА Москва со по 8 победи, без пораз. Следува Фенербахче, со еден пораз во осум меча.

На дното на табелата се Макаби, Будуќност и Дарушафака, со по една победа и по седум порази.

euroleague.net

Дерби пресметката на деветтото коло во елитното европско кошаркарско натпреварување, е соочувањето меѓу Олимпиајкос и Реал Мадрид, во Пиреја (19:45 часот).

Останатите двојки од првиот натпреварувачки ден во деветтата рунда (22.11.2018) се Дарушафака – Анадолу Ефес, Макаби – Фенербахче и Гран Канарија – Баерн Минхен.