ПОЧЕТНА А Репрезентација Најмладите знаат како да навиваат за Македонија

Најмладите знаат како да навиваат за Македонија

сподели
Зашо се празни трибиниве, кај идат луѓево у недела навечер, врне истура и ладно е?

За кого сe играат спортските натпревари? За широките народни маси.

Постојано се жалиме дека билетите ни се скапи, од 50 или од 100 денари, а разноразните певаљки и леви музичари од регионот, ни собираат и по 50 ЕУР за 2 часа продавање блуд и разврат.

Е, кога вратите се отворени, никој не сака да влезе. Демек, не е интересно, затоа не пуштаат да гледаме гага. Или, врнеше, не можев „да се прскам“. Значи МКФ требаше да подели и по еден „кишобран“ или „чадър“, ова од песниве што ни се вртат по кафаните.

Аплицирајте веднаш за

Да биде запишано, за чадорот, за следниот пат да нема пропуст, ако сакаме публика в сала.

Македонија се сака, со знамето в рака!

Односно, не дека никој не сакаше да влезе, туку сакаа и влегоа само оние што навистина ја сакаат кошарката. Или оние кои што немаат бреме на меѓусебни расправии, или оние кои што не знаат што е тоа суета и омраза.

Најмладите заслужија МКФ во иднина да полни по најмалку две трибини со подмладок, бесплатно, со цел да ги доближи чистите детски души до хероите. За овие дечиња, Швајцарија и Литванија се исто, иако повеќето од нив не знаат ни каде се наоѓаат овие земји.

А треба за сите да биде така. Е треба, ама, ајде де…

(НАПОМЕНА: Во текстот е користен сленг. Ликовите на фотографиите немаат допирна точка со содржината на зборовите.)